Ingibjörg Valdimarsdóttir

//Ingibjörg Valdimarsdóttir
Ingibjörg Valdimarsdóttir2018-09-06T21:51:45+00:00
Ingibjörg Valdimarsdóttir

Ingibjörg Valdimarsdóttir

Framkvæmdastjóri
Netfang: ingibjorg@ritari.is

Starfsreynsla:
Áður en Ingibjörg kom til starfa hjá Ritara starfaði hún í um 9 ár sem deildarstjóri Markaðsdeildar Orkuveitu Reykjavíkur þar sem hún kom m.a. að uppbyggingu sölu- og markaðsdeildar í fyrirtækinu. Í 5 ár sat hún í stjórn Omnis og Vefafritunar þar sem hún koma að stefnumótun og uppbyggingu fyrirtækjanna sem rak m.a. 4 verslanir í smásölu á tölvu- og tæknivörum og tölvuþjónustu. Á árunum 1998-2001 starfaði hún sem markaðsstjóri á innanlandsþjónustu hjá Eimskipafélagi Íslands og þar áður var hún í verðbréfamiðlun og ráðgjöf hjá Landsbréfum, þáverandi dótturfyrirtæki Landsbankans.

Ingibjörg hefur ásamt þessu starfað í ráðum og nefndum á vegum Akraneskaupstaðar á sviði skóla, félags- og atvinnumála auk að sitja bæjarstjórn kaupstaðarins.

Ásamt því að stýra Ritara hefur hún einnig verið að sjá um sölu og markaðsmál fyrir ferðaþjónustufyrirtækið StayWest.

Menntun:
Ingibjörg er með meistaragráðu í Alþjóðaviðskiptum frá Háskólanum í Reykjavík með áherslu á markaðsmál. Hún útskrifaðist frá Háskóla Íslands með B.sc. í viðskiptafræðum með áherslu á markaðsmál og stjórnun. Auk þessa hefur hún sótt sumarnám við Copenhagen Business School í Danmörku og fjölda námskeiða víðsvegar um heiminn á sviði leiðtogafræða, stjórnunar, þjónustu, sölu- og markaðsmála.

Ásamt því að vera einn af tveimur eigendum Ritara starfar hún einnig sem ráðgjafi í stórum sem smáum verkefnum.

Hún er fædd og uppalin á Akranesi og býr á þar ásamt manni sínum og þremur börnum.

Ingibjörg elskar að ferðast um heiminn og kynnast menningu annarra landa.  Fyrir utan það eru hennar helstu áhugamál útivera, hreyfing og að sinna fjölskyldu og vinum.